သွားနဲ့ခံတွင်းဆိုတာ တကယ် ဂရုစိုက်သင့်တဲ့အရာတစ်ခုပဲ ဖြစ်ပါတယ်။ ခံတွင်းကျန်းမာမှ အနံ့ဆိုးခြင်း၊ သွားပျက်စီးခြင်းနဲ့ သွားဖုံးရောဂါတေွ ဖြစ်မလာအောင် တားဆီးနိုင်မှာဖြစ်ပြီးတော့ အသက်ကြီးတဲ့အထိ သွားကျန်းမာမှာပဲ ဖြစ်ပါတယ်။ ခံတွင်းမကျန်းမာရင် သို့မဟုတ် သွားဖုံးရောဂါရှိနေရင် နှလုံးရောဂါ ၊ လေဖြတ်ခြင်း ၊ ဆီးချိုမထိန်းနိုင်ခြင်း ၊ လမစေ့ဘဲ ကလေးမေွးခြင်းတိို့လို ပြင်းထန်တဲ့ ကျန်းမာရေးပြဿနာတေွ အများကြီး ဖြစ်လာစေနိုင်ပါတယ်။လက္ခဏာတစ်ခုခု ဖြစ်လာရင် တော်တော်များများက ဆေးသောက်လိုက်ဖို့ပဲ အာရုံစိုက်ကြပြီး တကယ့်အကြောင်းရင်းဖြစ်တဲ့ ခံတွင်းသန့်ရှင်းရေးကိုတော့ မေ့နေကြတတ်ပါတယ်။ ဒါကြောင့် သင့် အနေနဲ့ ဒီလက္ခဏာမျိုးတေွ ဖြစ်လာရင်တော့ သွားနဲ့ခံတွင်းမှာ ပြဿနာရှိနေပြီလို့သာ သိလိုက်ပါတော့ –
၁။ သွားကိုက်ခြင်း
-----------------------
သွားကိုက်တာက အဖြစ်များကြတဲ့ ပြဿနာတစ်ခုပါ။ သွားကိုက်ပြီဆိုရင် ပါးတေွရောင်၊ သွားဖုံးတေွရောင်ပြီး အစားမစားနိုင်၊ ဆန်ပြုတ်သောက်ရတာပါပဲ။ သွားပိုးစားခြင်းကြောင့် ဖြစ်တတ်ပေမယ့် သွားဖုံးရောဂါရှိနေတဲ့ လက္ခဏာတစ်ခုလည်း ဖြစ်နိုင်ပါတယ်။
၂။ သွားကျဉ်ခြင်း
----------------------
အပူ ၊ အအေး ဘာပဲသောက်သောက် သွားကျဉ်ရတယ်ဆိုရင် သွားမှာ ပျက်စီးနေပြီ၊ ကျိုးပဲ့နေပြီ၊ သွားကြေွလွှာတေွ ပါးကုန်ပြီး ဒါမှမဟုတ် သွားအမြစ်ကိုပါ ထိခိုက်နေပြီဆိုတဲ့ ရလဒ်တေွအထိ ဖြစ်လာနိုင်တဲ့လက္ခဏာ အစပါ။
၃။ သွားဖုံး သေွးယိုခြင်း
---------------------------------
သွားဖုံးက ခဏခဏ သေွးထွက်တယ်၊ နာနေတယ်ဆိုရင် gingivitis သွားဖုံးရောဂါ လက္ခဏာဖြစ်နိုင်ပါတယ်။ တစ်ခါတလေ မဟုတ်ဘဲ သွားတိုက်တိုင်း သေွးထွက်တာ သို့မဟုတ် ထိတာနဲ့ထွက်တာ၊ ရောင်လာတာဆိုရင် ဆရာဝန်နဲ့ စစ်ဆေးကုသမှု ခံယူသင့်ပါတယ်။
၄။ ပါးစပ်အနာများ
-----------------
ခံတွင်းမှာ ဖြစ်တဲ့အနာတေွ ၊ အတွင်း ပါးစောင်မှာ အဖြူကွက်တေွှဖစ်တာ၊ မိှုပိုးဝင်တဲ့အနာတေွ ဖြစ်တတ်ပါတယ်။ တစ်ချို့က မသိမသာ ဖြစ်ပေမယ့် ဆိုးရွားလာတဲ့အခါ ရောဂါတစ်ခုခု သို့မဟုတ် ဘက်တီးရီးယားပိုးဝင်ခြင်း၊ ဗိုင်းရပ်စ် သို့မဟုတ် မှုိပိုးဝင်ခြင်း၊ သွားတု(စိုက်ထားတဲ့သွား၊ အံကပ်၊ သွားဖာထားခြင်း) တေွကြောင့် ဖြစ်လာတဲ့ပြဿနာတေွရဲ့ လက္ခဏာ ဖြစ်တတ်ပါတယ်။ တစ်ပတ်နဲ့အထက် ပိုကြာလာတဲ့ခံတွင်းအနာတေွဆို ဆရာဝန်ပြသဖို့ လိုပါတယ်။
၅။ ခံတွင်းနံ့ဆိုးခြင်း
---------------------------
ခံတွင်းနံ့ဆိုးတယ်ဆိုတာ ကိုယ်စားလိုက်တဲ့ အစာတေွကြောင့်၊ သွားနဲ့ခံတွင်းသန့်ရှင်းရေးကို ဂရုမစိုက်တာကြောင့်၊ တံထေွးခန်း ခြောက်တာကြောင့်၊ ဆေးလိပ်သောက်တာကြောင့် ၊ တစ်ခြားရောဂါတေွကြောင့် စတဲ့အကြောင်းရင်းတေွ ပါဝင်ပါတယ်။ သွားပြေးတိုက်ပြီးတာတောင် ခံတွင်းနံ့ဆိုးနေတာက တာရှည်လာရင် သွားဖုံးရောဂါလက္ခဏာ ဖြစ်လာနိုင်ပါတယ်။
၆။ သွားမှာ ပြဿနာပေါ်လာခြင်း
------------------------------------------
သွားပဲ့ခြင်း၊ သွားကျိုးခြင်း၊ သွားကရှည်ထွက်လာသလိုဖြစ်ခြင်း တို့လို ပုံမှန်မဟုတ်တဲ့ လက္ခဏာတေွ ဖြစ်လာတတ်ပါတယ်။ သွားက ရှည်ထွက်လာသလိုထင်ရတာက သွားဖုံးတေွ ကျုံ့သွား/တိုသွားတာကြောင့် ဖြစ်နိုုင်ပါတယ်။ဒါတေွက သွားဖုံးရောဂါရဲ့လက္ခဏာဖြစ်နေနိုင်ပေမယ့် သွားကျှတ်တဲ့အဆင့်ကိုရောက်ရင်တော့ အန္တရာယ်အဆင့်ကို ရောက်နေပြိီပဲ ဖြစ်ပါတယ်။ သွားဖုံးတစ်ရှူးတေွနဲ့ မေးရိုးကို ထိခိုက်လာနိုင်တာကြောင့် အမြန်ဆုံး ကုသဖို့လိုပါတယ်။ ဘာဖြစ်လို့လဲဆိုတော့ ဒါတေွက အခန့်မသင့်ရင် အသက်ရှူလမ်းကြောင်းရောဂါတေွ၊ နှလုံးရောဂါ၊ လေဖြတ်ခြင်းနဲ့တခြားရောဂါတေွ ဖြစ်လာနိုင်လို့ပါပဲ။
၇။ သွားအရောင် ပြောင်းလာခြင်း
--------------------------------------------
သွားအရောင်ပြောင်းလာစေတဲ့အကြောင်းအရင်းထဲမှာ ကော်ဖီ၊ လက်ဖက်ရည်သောက်တာများလို့၊ ဆေးလိပ်သောက်လို့၊ အသက်အရွယ်ကြောင့်၊ မျိုးဗီဇကြောင့်၊ ထိိခိုက်မှု သို့မဟုတ် ဆေးဝါးတေွကြောင့်စတဲ့ အကြောင်းရင်းတေွလည်း ပါဝင်ပါတယ်။ ဒါကြောင့် သင့်အနေနဲ့ ဒီလက္ခဏာတေွရှိနေရင်တော့ သွားမှန်မှန်တိုက်ပြီး သန့်ရှင်းရေးကို သေချာ ဂရုစိုက်သင့်ပါပြီ။
#Ref( ဟယ်လို - သွားနဲ့ကျန်းမာရေးဆောင်းပါးမှ)
#ရှမ်းပုတ်(မိုမိုလေး)